#လက်ကောက်ဝတ်ရှိလက်မအရွတ်များနာကျင်ခြင်း De Quervain’s tenosynovitis
#DeQuervain‘sDisease သည် လက်ကောက်ဝတ် ရှိ လက်မ၏လှုပ်ရှားမှုကို ထိန်းချုပ်သည့် အရွတ် ရောင်ခြင်း၊ နာခြင်း ဖြစ်ပါသည်။ ရောဂါအမည်ကို ၂၀ ရာစုအစောပိုင်းတွင် ပထမဆုံး ဖော်ပြခဲ့သော ဆွစ်ဇာလန်က ခွဲစိတ်ဆရာဝန် Fritz de Quervain ၏ အမည် ကို ဂုဏ်ပြု မှည့်ခေါ်ခြင်းဖြစ်သည်။
#အများဆုံးဖြစ်ရသောအကြောင်းအရင်း
လက်ကောက်ဝတ်နှင့် လက်မတို့ကို အလွန်အကျွံ အသုံးပြုခြင်း၊ ထပ်ခါတလဲလဲ ပုံစံတူ လှုပ်ရှား မှုကို လုပ်နေရ ခြင်းကြောင့် ဖြစ်ပေါ်တတ်ပါသည်။ လက်၏ ထပ်ခါတလဲလဲ ဆုပ်ကိုင်ခြင်း၊ လှည့်ခြင်း၊ လိမ်ခြင်း၊ သို့မဟုတ် မြှောက်ခြင်း ပါ၀င်သည့် လှုပ်ရှားမှုများသည် ကြာလာသောအခါ အရွတ်များကို အနှောင့်အယှက်ဖြစ်စေပြီး ရောင်ရမ်းခြင်း တို့ကို ဖြစ်ပေါ်စေပါသည်။
ကုသမှုများ ကို အောက်တွင်ဖေါ်ပြထားပါသည်။
အရွတ်များ ရောင်ရမ်းခြင်း၊ နာခြင်း သက်သာလာစေရန် နာစေသော၊ ပိုဆိုးစေသော လှုပ်ရှားမှုများကို ရှောင်ကြဉ်ရန် အရေးကြီးပါသည်။
နာကျင်သောနေရာကို ရေခဲကပ်ပေးခြင်းသည် ရောင်ရမ်းခြင်းကို သက်သာစေပြီး နာကျင်မှုကို သက်သာ စေ နိုင်သည်။
လက်ကောက်ဝတ်နှင့် လက်မကို မလှုပ်စေရန်၊ ရောင်နေသော အရွတ်များ အနားရစေ ရန် အတွက် ကြပ်စည်း ခြင်းကလည်း သက်သာစေသည်။ Thumb Spica Splint ဟု မေးမြန်း ရှာနိုင်ပါသည် (ပုံတွင်ကြည့်ပါ)။
#အကြော၊အဆစ်၊ ကာယကုသခြင်း #Physiotherapy
ထိခိုက်နေသော အရွတ်များ အရောင်ကျစေရန်၊ အားကောင်းစေရန် နှင့် လက်မလှုပ်ရှားမှုကို တိုးတက်စေရန် စက်ကိရိယာများ၊ ပြန်လည်သန်စွမ်းရေး လေ့ကျင့်ခန်းများ များနှင့်ကုသမှုများပါဝင်ပါသည်။
ရောင်ရမ်းမှုနှင့် နာကျင်မှုကို လျှော့ချရန်အတွက် ကော်တီကို စတီးရွိုက်ထိုးဆေးများကို လည်းထိုးလေ့ရှိသည်သည်။ သွေးရည်ကြည်ကုထုံး စသည့် ဆေးထိုးကုသနည်းများလည်း ကုကြသည်။
အကိုက်အခဲပျောက်ဆေးများကလည်း နာကျင်မှု၊ ရောင်ရမ်းမှုကို သက်သာစေပါသည်။
မသက်သာပါက ခွဲစိတ်ကုသမှု များနှင့်လည်းကုသ နိုင်ပါသည်။
ဒေါက်တာစိုးလူကျော်
M.B., B.S,
M.Med.Sc (Rehabilitation medicine),
MSc Sports & Exercise medicine (Cardiff/ UK),
Fellowship in Musculoskeletal Ultrasound (NTUH/ Taiwan)
အကြော၊ အဆစ်၊ပြန်လည်သန်စွမ်းရေး၊ အားကစား နှင့် လေ့ကျင့်ခန်းဆိုင်ရာ ဆေးပညာ အထူးကုဆရာဝန်
